മരണത്തെക്കുറിച്ചുള്ള സാക്ഷ്യങ്ങൾ

ഡി. യേശുദാസ്

നീ അല്ലെങ്കിൽ ഞാൻ വെടിയേറ്റാണ് മരിക്കുകയെങ്കിൽ ആ ചോരയിൽ നിന്ന് ഏതു പൂവുള്ള ചെടിയാവും മുളയ്ക്കുക ചുകന്നതോ കരുവാളിച്ചതോ തൂങ്ങിയാണ് മരിക്കുകയെങ്കിൽ അച്ചുടലയിൽ നിന്ന് തൂങ്ങി മരണത്തിന്റെ സ്മൃതികൾ ഒളിപ്പിച്ച പ്ലാവുകൾ കിളിർക്കുമോ? നാമൊരിക്കലിരുന്നു മറക്കണമെന്നു കരുതിയ, നിന്നെ കാണാൻ വരുമ്പോൾ ഉദയവും നിന്നെ പിരിഞ്ഞു വരുമ്പോൾ അസ്തമയവും…

സമസ്തപദങ്ങൾ

നിഷി ജോർജ്

വാക്കുകളെ മുറിക്കുന്ന ഒരക്ഷരദൂരത്തിനപ്പുറത്തേക്കും ഇപ്പുറത്തേക്കും പടർന്ന് ഞാനും നീയും അവരും നമ്മളാവുന്നു. നമ്മൾ നടന്ന വഴിയെന്ന ചരിത്രമുണ്ടാകുന്നു. നമ്മൾ നടന്ന വഴിയിലെ ക്രിയകളിലും കർമങ്ങളിലും എത്ര ഞാനെന്നും എത്ര നീയെന്നും ഞാൻ മറിച്ചു നോക്കുന്നു. സർവനാമബഹുവചനങ്ങളിലെ അധികാരകേന്ദ്രീകരണത്തെക്കുറിച്ച് ഉപന്യാസമെഴുതുന്നു. നെറ്റിപ്പട്ടം കെട്ടിയ നാമപദങ്ങൾ- വാക്യത്തിന് മുന്നിലേക്ക് ഓടിവന്ന് ഞെളിഞ്ഞുനിൽക്കുന്ന…

മകൻ വരുമ്പോൾ

സന്ധ്യ ഇ.

മകനവധിക്കു വരുമ്പോൾ താനേ പാടും, പാട്ടുപാടുന്ന യന്ത്രങ്ങളൊക്കെയും സ്വീകരണമുറിയിൽ തലങ്ങും വിലങ്ങും ഓടും, കുത്തി മറിയും ചിരിക്കും തമാശ പറയും, പിണങ്ങും, മമ്മൂട്ടിയും മോഹൻലാലും കുഞ്ചാക്കോ ബോബനും നിവിൻപോളിയും വിനായകനും. ഒഴിഞ്ഞിരിക്കുന്ന പാത്രങ്ങളിൽ നിറയും ഭക്ഷണങ്ങൾ ഫ്രിഡ്ജ് പൂർണ ഗർഭിണിയാവും പാതിരാത്രിയിലും തുറന്നിരിക്കും പൂമുഖവാതിൽ വസ്തുക്കൾ മുകളിൽ നിറഞ്ഞ്…

ബോധിവൃക്ഷത്തിന്റെ ദലമർമരങ്ങൾ

സോണി ഡിത്

വേപ്പുമരത്തിലെക്കാറ്റ് അതിലൊറ്റക്കിളിയെ ഇരുത്തി ഓമനിക്കുമ്പോൾ ഞാനെന്റെ ജാലകം തുറന്നിടുന്നു അവിടെ ഉണ്ടായിരുന്നെന്ന അടയാളത്തെ ഒരു ചില്ലയനക്കത്തിൽ പുറകിലാക്കി അത് പറന്നു പോകുന്നു. വർത്തമാനകാലത്തെ ഒരു ചിറകനക്കത്തിൽ ഭൂതകാലമെന്നെഴുതി അതിദ്രുതം ആ നിമിഷത്തെ കടന്നു പോകുന്നൊരു മാന്ത്രികൻ! ഈ പ്രപഞ്ചത്തിൽ ഉത്തരങ്ങളേക്കാൾ ദുഷ്‌കരമാണ് ചോദ്യങ്ങളെ തുറന്നു വിടുക എന്നത് തനിക്ക്…

കുടിവയ്പ്

പി. ബിന്ദു

ഇവനെൻ പ്രിയൻ പ്രണയരസങ്ങളെ നുണഞ്ഞവൻ കുരുക്കിട്ട കാണാതടവറയിൽ പ്രിയത്തിന്റെ തോട്ടിക്കോലിട്ട് പുറത്തുചാടിച്ചവൻ. ക്ലാവു പിടിച്ച ചിന്തകളെ തിളക്കം കൂട്ടിയവൻ നീളം കുറഞ്ഞ നിഴലായി കയറിവന്നവൻ വിരസതയുടെ നടുക്കടലിൽ കൊതുമ്പുതോണിയിറക്കിയവൻ ആകെ തൊട്ടുഴിഞ്ഞ് തനി തങ്കമാക്കിയോൻ ഉച്ഛ്വാസപീലിക്കയ്യാൽ ചൂടമർത്തി, പനിച്ചൂടിനെ ഊറ്റിയെടുത്തവൻ... നിലാവിനൊപ്പം, കാലൊച്ചയറിയാതെ, സ്വയംവരം ചെയ്ത് കുടിവച്ചവൻ.

പാട്ടിലൂടെ ഒഴുകിപോകുന്ന ബസ്സ്

അക്ബർ

ഒരു ബസ്സ് നിറയെ പാട്ടുമായി പോകുന്നു ഡ്രൈവർ പാട്ടിനൊപ്പിച്ച് വളയം തിരിച്ച് ആഘോഷിക്കുന്നു പുറത്തുള്ള മഴയും നിറയുന്നു വഴിയിലുടനീളം ആരും കൈകാട്ടുകയോ കാത്തു നിൽക്കുകയോ ചെയ്യുന്നില്ല തെങ്ങിൻതലപ്പും പാട്ടിലാടുന്നു ഗ്രാമത്തിൽ നിന്ന് നഗരത്തിലേക്ക് ആളുകൾ വരുന്നു പോകുന്നു. ബിസ്സിറങ്ങിയപ്പോൾ കണ്ട കടത്തിണ്ണയിൽ പത്തുവർഷം മുമ്പ് ഒരാൾ നിന്നിരുന്നു അതിന്റെ…

മറന്നത്

കെ.വി. സക്കീർ ഹുസൈൻ

കണ്ണില്ലാത്ത പ്രണയത്തെ കാണുവാനായി മിനക്കെട്ടെത്തിയതോ അരുമയാം മൂക്കിൻ തുമ്പത്ത് കാതില്ലാതെയലയുന്ന സ്‌നേഹത്തെ കാണുവാനായി കാത്തതോ കാഞ്ഞ വെയിലത്ത് നാദത്തിൻ മധുരിമ കുടിക്കുവാനായി കാത്തിരുന്നു നാറ്റിയാൽ തെറിക്കുന്ന തുമ്പികയ്യിൽ വാക്കൊന്നു മൂളുന്നത് കേട്ടിരിക്കാൻ നാറ്റ് വേലക്കാലം ഇറയത്തെത്തി രണ്ടാളുംങ്ങനെ കണ്ടപ്പോൾ മിണ്ടാതെ നിന്നതോ പണ്ടാരമെല്ലാ വാക്കും പറന്നുപോയി.

ഇനിയും

എം. സങ്

ഇനിയുമെഴുതണം രാത്രി കെട്ടുപോകും മുമ്പ് ഭ്രാന്ത് ഉടഞ്ഞു തീരും മുമ്പ്! പനി കെടുത്തിയ സന്ധ്യയിൽ ചെവിയിൽ മൂളിയ കൊതുകുമായ് മിണ്ടണം മഴ വരും മുമ്പ് ചോരയാൽ! എന്തേ മടങ്ങുവാൻ വൈകിയോ പാല നിന്നിടം നിഴലുകൾ പൂത്തു നിൽക്കുന്നു പിന്നെയും! നമ്മളൊന്നിച്ചിരുന്നതാം രാവിനെ നീ മറന്നുവോ വീഞ്ഞിനൊപ്പം പകർന്നതാം പ്രേമമെന്നോ…